Հունիսի 19-ից մինչև օգոստոսի 21-ը «Հայաստանի նկարիչների միություն»-ում Վինսենթ Վան Գոգի և Գուստավ Կլիմտի ստեղծագործությունները կկենդանանան լույսի, ձայնի և շարժման միջոցով։ Այցելուներին սպասվում է ոչ միայն ծանոթություն կտավների հետ, այլև դրանց ստեղծման պատմությունների և հեղինակների կենսագրությունների բացահայտում։

Վան Գոգի և Կլիմտի կտավների անիմացիոն ցուցահանդեսի բացառիկությունը կայանում է տեխնիկական լուծումներում՝ 510քմ ցուցասրահ, 4 մետր բարձրությամբ առաստաղ, ավելի քան 300 կտավների անիմացիա և 
77 րոպե տևողությամբ ամբողջական ծրագիր։

Մեծ էկրաններն ու տիեզերական ձայնային համակարգը թույլ են տալիս ավելի խորությամբ ընկալել արվեստագետների պատկերային աշխարհը, հետևել նրանց մտքերի հոսքին, դիտարկել կտավների մանրամասներն ու զգալ քեզ «ներսում» այնպիսի գործերի,
ինչպիսիք են՝ Վան Գոգի «Աստղալից գիշեր»-ը, «Արևածաղիկներ»-ը, Կլիմտի «Համբույր»-ը։

Ցուցահանդեսը բաց է ամեն օր՝ 10։00-24։00, Աբովյան 16 հասցեում՝ «Հայաստանի նկարիչների միություն»-ում։